နိဗ္ဗာန်ကို ယခုမျက်မှောက်လက်ငင်းဘ၀မှာတင် ခန္ဓာလက်ရှိနဲ့ ရတဲ့သဘောကို သဥပါဒိသေသနိဗ္ဗာန်လို့ခေါ်တယ်။ ရဟန္တာအရှင်မြတ်များ ပရိနိဗာန်စံဝင်ပြီး ခန္ဓာဝန်ချပြီး နောက်မှ ခံစားရတဲ့ နိဗ္ဗာန်၊ နောက်ထပ်ရုပ်နာမ်ခန္ဓာဖြစ်တည်ခြင်း ကင်းပြတ်သွားတာကိုတော့ အနုပါ ဒိသေသနိဗ္ဗာန်လို့ခေါ်တယ်။
နိဗ္ဗာန်ကို သက်ဝင်သူရဲ့ အတွေ့အကြုံမှာ လောကီအာရုံကာမဂုဏ်တရားအားလုံးနဲ့ ပြတ်တောက်သွားပြီလို့ ခံစားနားလည်ရမယ်။ တစ်စုံတစ်ယောက်၊ တစ်စုံတစ်ခုကို ချစ်ခင်နှစ်သက်စွဲလမ်းနေသေးရင်၊ တစ်စုံတစ်ယောက်၊ တစ်စုံတစ်ခုကို မုန်းတီးပြီး မလိုလားဖြစ်နေသေးရင် နိဗ္ဗာန်ကို ဘယ်နည်းနဲ့မှ မျက်မှောက်မပြုနိုင်ဘူး။ နိဗ္ဗာန်ဆို တာအချစ်၊ အမုန်း၊ လိုချင်တာ၊ မလိုချင်တာ အားလုံးကို လွန်မြောက်သွားခြင်းပဲဖြစ်တယ်။
နိဗ္ဗာန်ဟာ တည်ရာဌာန မဟုတ်ဘူးဆိုရင် အဲဒီနိဗ္ဗာန်ဟာ ဘယ်မှာရှိတာလဲ။ နိဗ္ဗာန်ဖြစ်တည်ပုံက မီးဖြစ်တည်ပုံနဲ့ အလားသဏာန်တူတယ်။ မီးကို လှောင်ထားတဲ့နေရာ လည်း မရှိဘူး။ နိဗ္ဗာန်ဆိုတာလည်း တည်ရှိရာ နေရာမရှိဘူး။ ဒါပေမဲ့ ၀ါးနှစ်လုံးကို ကြာကြာပွတ်တိုက်ရင် ပူလာပြီး မီးပေါ်လာသလို၊ ပွတ်ခြင်း၊ ပူခြင်းဟာမီးဖြစ်တည်ခြင်း ရဲ့ အထောက်အပံ့ဖြစ်သလိုပဲ၊ ၀ိပဿနာအလုပ်ကို ကြိုးစားအားထုတ်တဲ့ ယောဂီရဲ့ စိတ်အစဉ်တိုးတက်ဖြစ်ထွန်းလာပြီး၊ သူ့ရဲ့ ဉာဏ်အမြင်ဟာ ကိလေသာတွေ စင်ကြယ်သွားရင် (ဉာဏ၀ိသုဒ္ဓိ)အဲဒီမှာ နိဗ္ဗာန်စဖြစ်တည်လာမှာ ဖြစ်တယ်။
0 comments:
Post a Comment